18
January
2023
құттықтаймыз!
БАЙҚАУ ЖЕҢІМПАЗДАРЫН МАРАПАТТАУ РӘСІМІ ӨТТІ
Шымкент қаласының ішкі саясат және жастар істері жөніндегі басқармасының Сыбайлас жемқорлыққа қарсы мәдениетті қалыптастыру, сыбайлас жемқорлықтың алдын алу мақсатында, Шымкент қаласының жас отбасылар арасында - "Парасатты отбасы" , шығармашыл жастар арасында, азаматтардың құқықтық сауаттылығын арттыру мақсатында - «Best шығармалар» және жергілікті БАҚ өкілдері арасында - «Best мақала» байқауы жарияланған болатын. Естеріңізге сала кетейік, аталмыш шығармашылық байқау осы жылдың қазан айында басталған.
9 желтоқсан Халықаралық жемқорлыққа қарсы күрес күніне орай Шымкент қаласының әкімі Мұрат Әйтенов пен Шымкент қаласы бойынша Сыбайлас жемқорлыққа қарсы департаментінің басшысы Шаттық Утеев үздік жастарды жеңісімен құттықтай отырып, I- дәрежелі дипломдар,ақшалай сыйлықтар табыстады.
Мұрат Дүйсенбекұлы үздік жастарды жеңісімен құттықтап, биік белестерді бағындыруына тілектестігін білдірді.
ҚР Сыбайлас жемқорлыққа қарсы іс-қимыл агенттігінің Шымкент қаласы бойынша департаментінің бас маманы –Жазира Әлжанова мен «Шымкент -Адалдық алаңы» жобалық кеңсесінің басшысы Садибеков Бижан байқаудың II ,III дәрежелі жеңімпаздарына дипломдар, сондай-ақ, ақшалай сыйлықтар табыстады.
