07
October
2022
«Үлкендер жолы – ұлылық, ұрпағы жүрер ұғынып!»
Ұстаздық шеберлікке тәрбиелеу , қазіргі заман талаптарына сай жаңа сабаққа қойылатын талаптарды меңгеру мақсатында «Жас мұғалімдер» мектебі өз жұмысын жалғастырып келеді. Жас мұғалімдер мектебі — бұл мектебіміздің жас мұғалімдерінен құралған. Жетекшіміз Айгүл Ермекбаевнаның бастауымен Жас мұғалімдердің кәсіби шеберлігін шыңдау, шығармашылығын дамыту жолында біршама жұмыстар атқарылып келеді. Соның бірі, «Жас мамандар» бұрышының салтанатты ашылуы өтілді. Осы орайда, мектебіміздегі жас мұғалімдер мен ұлағатты ұстаздардың қатысуымен «Үлкендер жолы – ұлылық, ұрпағы жүрер ұғынып!» тақырыбындағы— ұстаздармен сыр- сұхбат шарасы өтілді.Тіршіліктің тынысын, уақыттың жүрісін сезіндіретін, білім әлемінің сырын білетін, өзінің алдынан өтіп жатқан шәкірттерінің жырын жүрекке түйген тағылым иелері ұстаздарымыздың еңбек жолы көпке үлгі -өнеге. Ұстаз бен шәкірттердің жүрекпен тілдескен диалогы бірде сұрау, бірде ой, бірде кемеңгерлік сөзбен өріліп отырады. Ұлағатты ұстаздарымызға жас мамандар өз көкейлерінде жүрген сауалдарын қойды.«Жақсы сөз – жан азығы», «Жақсы лебіз – жарым ырыс», «Батаменен ел көгерер» демекші, Ұлағатты ұстаздарымыз жастарға арнап өз тілектерін білдірді.





