Қайырымдылық концерт

1 жүргізуші:
      Қайырлы күн, қадірлі қауым! Армысыздар, жаны жайсаң, жүрегі жоMarch ел ағалары! Болашақта еліміздің өркендеуіне білімді жастар ғана биік асулардан аса алатынын ескерсек, балаларға жасаған қамқорлық елімізге еселеп қайтатыны анық. Ел тірегі, ертеңіміздің кепілі болған жас ұрпақ! Қазіргі уақытта қамқорлық пен қолдауға мұқтаж болған, көңілдерін шер, қабақтарын мұң басқан, әр адамнан қайырымдылық, алақандарынан жылулық сезімін күтетін балаларға қолдау көрсетуге арналған «Қамқорлық менен, сенен басталады» атты қайырымдылық кешімізге  қош келдіңіздер!
 
 

2 жүргізуші:
 Шыдамдыны мына өмір ұнатады,
 Бірде қуантып, бірде жылатады,
 Сүріндіріп кейде сені құлатады.
 Жылатып тұрып жұбатады.
 Дұшпандарға кейде сені сынатады,
 Қатал тағдыр бірақ та шыдатады,
 Мына өмір бірақ та қымбат әлі.
 
 

1 жүргізуші: Бар байлығымыз һәм бақытымыз – балалар. Өмірдің гүлі де солар. Ұрпақ өсір, мәпеле, аяла. Өйткені бақытымыздың баяндылығы да балалармен өлшенбек. Біздің кешімізді 3 «А» сынып оқушысы Аким Айтжан  «Жетім жүрек» әнімен  ашады. Қарсы алыңыздар!!!

 
 1 жүргізуші: Мейірімділік - ғажайып өмір есігі,
 Мейіріммен тербетілер бесігің.
 Ашық болсын мұқтаждарға көңілің мен есігің,
 Мейірімсіз болсаң, алладан болмас кешірім.
 Қол ұшын бер мұқтаж жанға жылаған,
 Қайтарма қолын ананың көмек сұраған дей отырып ортада көрініс «Соқыр Ана»
 
 2 жүргізуші: Пейілділік көл - көсір,
 ЖоMarchтық ерге сын.
 Кеңдігін көрсеткен.
 Қайырымдылық қорында,
 Ізгілік жолында.
 Мың алғыс, ағалар,
 Рухы елдің жебесін.
 Ортаға 10 сынып қыздарын «Қазақ  биімен» шақырамыз.
 1 жүргізуші: Абайдың он төртінші қара сөзіне жүгінетін болсақ, «Нағыз жүрек ісі рақымдылық, мейірбандылық және әр түрлі істе адам баласының бәрін өзіне тартып, бауырым деп, өзіне ойлағандай оларға да болса игі еді» дегендей бүгінгі қайырымдылық кешіне кең пейілділік танытып келіп отырған әр адамға алғысымыз шексіз. Сонымен қатар биыл Абайдың 175 жылдығының мерей тойын атап өтпек. Осыған орай біздің оқушыларымыздың өлең шумақтарын қарсы алыңыздар!

Ортада «Көзімнің қарасы» хоры

2 жүргізуші: Мейірімді ізде таза - аңғал жүректен,
 Селт еткізіп, сезімді бойда дір еткен.
 Мейірімділікті сіңірген адам бойына,
 Өмірге мына, жылылықпен гүл еккен деп ортаға «Әке Ана» әнімен 8 cынып оқушыларын ортаға шақырамыз.

2 жүргізуші:Ақыл адам көрігі, ақылдың сабыр серігі. Ал бейтаныс адамға жылы шырай білдіру, көңілін көтеру, кемшілігін кешіріп, демеу болу – жоMarchтық деп бекер айтпаған. Ортада   9 «Ә» сынып оқушысы Қасымбекова Аружан қарсы алыңыздар!
 
 1 жүргізуші: Өмір дәмі, екі дәм: Ащы – Тәтті,
 Таңдайыңа тиеді: Жұмсақ – Қатты.
 Жолында жолығатын екі тағдыр,
 Күтеді Адам үшін сын сағатты.
 Өмір деген тұрMayды: Қап - қарадан.
 Өмір деген тұрады: Ақ – Қарадан,
 Ақ – Қара, екі арасын ашып өтіп,
 Арымен өз бақытын тапқан Адам! Ортада 5 «А» сынып оқушысы Серікжан Аяулым «Туған жер » әнімен қарсы алыңыздар!

1 жүргізуші: Қайырымды жандар айнала,
 Шеңберге келсін жайлана.
 Жалықпастан қайта біз,
 Махаббат сөзін айтамыз деп мектептің түлегі Ермаханбет Бекасылды ортаға шақырамыз.
 
 

 2 жүргізуші:Өмір деген тәтті екен әрқашан да,
 Қуаныш пен мұңменен қарсы алсаң да.
 Мен өмірді сүйемін пәк жүрекпен,
 Күресуге үйренем шаршасам да.
 Бала жүрек риза жаратқанға,
 Жарқыраймын әр күні таң атқанда.
 Қиындыққа мойыMay қарсы тұрып,
 Мен өмірді сүйемін әрқашан да.
 Ертеңге талпыныс, болашаққа бағдар, игі іске ұмтылыс – адамзатқа тән құбылыс. Кешімізді 6 «Ә» сынып оқушылары өз билерімен жалғастырады.
 
 

1 жүргізуші: Шерменде болған жүрекке, жылулық сәулесін шашқан, балаларға қол ұшын береміз деген ыстық ықыластарыңыздан бақ, ойларыңыздан саналы сезім, мұқтаж жандарға қамқорлығын аямаған сіздердей азаматтарға алланың нұры жаусын демекпіз. Ортаға «Бір үйдің баласындай» әнімен 9 сынып оқушыларын шақырамыз.

2 жүргізуші:

Жақсылықты ақ жүрекпен қабылдап,

Самға биік, жалын атып жүр алда.

Жігерің мен сеніміңді оттық қып,

Жас қырандай қанат қағып қиянға.

Асқақ арман – үлкен өмір бастауы,

Болашаққа бақыт үнін жолдаңдар!дей отырып ортаға «Болашақ» әнімен 2 «Г»  сынып оқушыларын шақырамыз.

1 жүргізуші:Сымбатына сән киімі жарасатын
 Аспандағы айменен таласатын
 Өнеріне сай келіп тұрғанына
 Қыздарымызға қызығып қарасаңыз
 Алдарыңызда 3 «В» сынып оқушыларының орындауында «Қазақ қызы» әнін қабыл алыңыздар.

1 жүргізуші:Отбасы алтын ұя, киелі шаңырақ болса, сол шаңырақтың мұрагері, ұрпақ жалғасы балалар болып табылады. Отбасында балалар негізгі тәрбиені ата - анадан алады. Олай болса баланың бас ұстазы ата - ана.
 Жасынан сүйіп өсер балапанын.
 Бір саған сенім артар балапаның,
 Бір сәтке ұмытармын қиындықты.
 Сипаса маңдайымнан алақаның деп Мухамадалиева Перизатты «Жақсы адамдар» әнімен қарсы алыңыздар!

1 жүргізуші:Қайырымдылық — халқымыздың ең ізгі қасиеттерінің бірі. «Жанашырлыққа — жан риза» дегендей қамқорлыққа алынған балалардың жанашыр қамқоршысы болып, аялы алақанын тосып, жүрек жылуын ұсыну, сауабы мол іске ат салысу әрбір адамның азаматтық парызы деп ортаға мектебіміздің директоры  Бейсебаева Разия Тасбалтақызын ортаға шақырамыз.

2 жүргізуші:

Нәсілдерге нәсіл болсын нұрлы күн

Ынтымақтың шертсем деймін бір жырын

Татулығын жырға қосам ұлттардың

Мақтан қылып ұлыстардың бірлігін

Бүгінгі күн нүрлы күн

Жарық шашқан әлемге 

Ескеретін күн бүгін - деп ортаға Әмірхан Нұрайды «Мереке» әнімен қарсы алыңыздар!

1 жүргізуші: «Бала - өмірдің гүлі, біздің болашағымыз» деген ұстанымды алға қойған біздің қоғамыздың жанашыр адамдары көптеген игілікті істер атқаруда. Аялы алақанында әлпештеп, жүрек жылуымен әр балаға сенім мен адалдықтың нұрын ұялата білген бүгінгі кешіміздің құрметті қонақтарымызға сөз береміз.

Ортада Турашева Диана «Мерекелеріңізбен» әнімен қарсы алыңыздар!

2 жүргізуші:Қымбатты ұстаздар мен ата - аналар және оқушылар! Осымен бүгінгі өткен «Қамқорлық менен, сенен басталады» атты кешіміз өз мәресіне келіп жетті. Өмірлеріңіз күндей нұрлы да шуақты болсын. Келесі кездескенше сау - саламатта болыңыздар!!!