«Жас мамандардың педагогикалық кәсіптік шеберлігін арттыру»

«Жас мамандардың педагогикалық кәсіптік шеберлігін арттыру» тақырыбында жас мамандарға әдістемелік коучинг.

   Шымкент қалалық білім басқармасына қарасты №128 жалпы орта білім беретін мектебінде 31.03.2021 жылы директордың оқу-ісі жөніндегі орынбасары Тортаева А.Е және мектептің педагог-психологы Спатаева С.Т-ның ұйымдастыруымен жас мамандарға «Жас мамандардың педагогикалық кәсіптік шеберлігін арттыру» атты тақырыбындағы жас мамандарға әдістемелік коучинг өткізілді. Мектебіміздегі жас мамандарға арналған коучингті ұйымдастырудағы негізгі мақсат, жас мамандарды педагогикалық жаңашылдыққа үйрету. Оларға әдістемелік көмек көрсету арқылы педагогтардың кәсіби құзыреттіліктерін дамыту. Коучингте А.Е Тортаева  жас мамандарға «Нағыз ұстаз моделі»  тақырыбында посттер құратты.  «Нағыз ұстаз моделі» үш көз-қараста қорғалды, мұғалімдер көзімен, оқушылар көзімен, ата-аналар көзімен. Сонымен қатар ұстаздардың сезіміне  психологиялық бақылау жүргізілді. А.Е Тортаева жас мамандарға сабақтың негізгі компоненттерін, технологиялық талаптарына, гигиеналық талаптарына, мұғалімнің сабаққа дайындалуын және сабақтың мақсаттарына бірме-бір тоқталып түсіндірді. Сонымен қоса сабақтың ұқыпты, айқын, дұрыс ұйымдастырылуы, оқушылар алдындағы тақырыптың дұрыс таңдап алынуы, білімдік және тәрбиелік мақсаттармен қатар сабақтың нақты тапсырмаларын ұтымды жүргізіп пайдалануына әсер ететінін талдап көрсетті. Психолог С.Т.Спатаева жас мамандарға арналған психологиялық жағдаятты сұраққа жауап алып, жас мамандардың педагогикалық шеберліктері мен біліктілігін анықтады.