ҚАЗАҚ ТІЛІ БІРЛЕСТІГІНІҢ АПТАЛЫҒЫ

Шымкент қалалық білім басқармасына қарасты #128 жалпы орта білім беретін мектебінде ақпан айының 1-5 күндер аралығында қазақ тілі мен әдебиеті пән апталығы өтілді. 

01.02.2021ж Жидебаева Гүлжайна Сейлханқызы 9"А" сыныбына "Б.Майлин шығармашылығы" тақырыбында ашық сабақ өтті, сабақтың өн бойына сайысқа бағыттап, көшбасшысының таңдалатындығын баяндап, балл кестесімен таныстырып өтті, оқушылар белсене араласты. Жүйелі #130 бұйрыққа сәйкес түзілген жоспар негізінде сабақ жоғары деңгейде өтілгендігін айта отырып, мектеп басшысы шебер мұғалімнің үздік сабағын көрдім деген кері байланыс берді.

 02.02.2021ж Шиндалиева Зульфия Есенгелдіқызы 10"Б" сыныбында М.Мағауиннің "Шақан-Шері"  тақырыбында ашық сабақ өтті, сабақты дұрыс жоспарлаған, оқушылар тақырыпты меңгерген, белсенділік танытып, тақырыптан түсінгендерін айтып талдау жасады. Сабақтың соңында белсенділік танытқан оқушыларды бағалап, мемлекет басшысы Қ.К. Тоқаевтың тапсырмасын жүзеге асыру аясында "Оқуға құштар мектеп" жобасымен таныстырып, Амангелдиева Мадинаға "Тұлғалар өміріндегі ислам" атты кітапты сыйлады.

03.02.2021ж Жарылқапова Гүльжан Смайлбекқызы Б.Майлин "Шұғаның белгісі" тақырыбында 9"Б" сыныбында ашық сабақ өтті, сабақтың жоспары жүйелі #130 бұйрық негізінде түзілген Б.Майлиннің өмірі мен шығармашылығын еске түсіру мақсатында сұрақ- жауап арқылы өзара диалогке түсіп, әрбір дұрыс  жауапқа Бейімбет келбеті бейнеленген фото арқылы бір балдан жинақтап отырды. Сабақта кері байланыс, бағалау жұмыстары жүйелі жүргізілді. Оқушылар сабақта белсенділік танытып, өз білімдерін ортаға салды.

Қазақ тілі пәнінен 6"Ә" сыныбында "Күш атасы- Қажымұқан" тақырыбында Бердібекова Нуризат Советқызы ашық сабақ өтті. Сабақты ұйымдастыру кезеңінде оқушыларға жақсы көңіл-күй орнату мақсатында жақсы тілектер айтудан бастады. Оқушылар оқулықтан тыс қосымша тапсырмаларды орындап, тақырып бойынша мәліметтер мен дәлелдер келтіре алды.

Мамытшаева Алия Ғабитқызы 5 "А"  сыныбына қазақ әдебиеті пәнінен " Менің атым- Қожа" повесіндегі "Кейіпкерлер бейнесі" деген тақырыпта ашық  сабақ өтті. Сабақтың  мақсаты повестегі кейіпкерлердің портретін жасау,шынайы өмірмен салыстыру. Оқушылар кейіпкерлердің суреттері, арнайы берілген кесте,  "Түртіп алу" әдісі арқылы берілген тапсырмаларды орындауда белсенділік танытып, повестегі  басты кейіпкер Қожаны, өз замандастарымен салыстыруда өз ойларын жүйелі жеткізе  алды.