Сабақты бақылау

«Ұстаздың биігі ойлана қарасаң – биіктей береді, үңіле қарасаң – тереңдей береді, қол созсаң – қарсы алдыңда, айналсаң – артыңда тұрғандай»- деп Сократ айтқандай, егеменді еліміздің алдыңғы қатарлы  мемлекеттердің  қатарына қосылуға табандылықпен жылжу қоғамымыздың барлық саласында түбегейлі өзгерістер енгізіліп, жаңа талаптар мен жаңартылған бағдарламалар қолданылып жатқандығы белгілі..Соның ішінде болашақ ұрпаққа әлемдік деңгейде білім беру мақсатына орай, білім мазмұнына жаңаша қарау – басты міндеттердің бірі екені белгілі.Қазіргі кезде білім берудің жаңа жүйесінің жасалынуы, білім мазмұны мен әдіс-тәсілдерінің жаңаруы бәсекелестікке қабілеті мол, шығармашылық бағытта еңбектенетін, ой-қабілетімен ерекшеленетін азаматты тәрбиелеуді көздейді. Сапалы білім ел болашағын айқындайтын басты көрінісі. Мұнда өмір бір орында тұрмайтынын есте ұстаған жөн. Кеше дұрыс және заманауи болып көрінген нәрсе бүгінде мағынасын жоғалтты. Осыған байланысты жаңа оқулықтар пайда болып, оқыту мен тәрбиелеудің жаңа технологиялары мен тәсілдері жасалуда. Бұл оқушылардың ойлау, талдау және өз бетінше шешім табу қабілетін дамытуға ықпал ететін бір әдіс. «Білімді тұлға» мектеп командасының қатысуымен бекітілген жоспар бойынша 10 «А», 10 «Ә» сынып оқушыларының сабақ үлгерімін бақылау және де таңдап отырған мамандықтарының деңгейіне қарай бейімділігін анықтау мақсатында : Физика, алгебра, орыс тілі әдебиеті, информатика пәндеріне сабаққа ену жұмыстары басталды.