22
октябрь
2022
ОҚМПУ-дың 85 жылдық мерейтойына орай Педагогика кафедрасы
ОҚМПУ-дың 85 жылдық мерейтойына орай Педагогика кафедрасы “Педагогикалық кадрларды даярлаудың қазіргі жағдайы мен даму болашағы” тақырыбындағы педагог мамандарға арналған форумды ұйымдастырды.
Форумға Шымкент қалалық білім басқармасына қарасты N128 жалпы орта білім беретін мектебінің беделді ұстаздарының бірі Султанова Айгуль Қуанышбековна өзінің шәкіртімен, 4"А" сынып оқушысы Құлахмет Әмірхан Сұлтанұлымен "Люффаны- күнделікті өмірде пайдалану жолдары" тақырыбында ғылыми жобасымен ортаға шығып, Ректордың алғыс хаттарымен марапатталды.
Ол жерде білім беру ұйымдарының мұғалімдері мен олардың басшылары, әдіскерлері белсенді қатысты.
Форумда: этнопедагогиканың қазіргі мәселелері, сабақты зерттеу әдіс-тәсілдері, білім беру бағдарламаларының қазіргі жағдайы мен жастарға психологиялық қолдаудың маңыздылығы туралы баяндамалар талқыланды.
Сонымен қатар форумда Шымкент қаласы, білім беру департаментінің басшысы Тажиева Ж.А., ОҚМПУ ректоры Сүгірбаева Г.Д., ОҚМПУ проректорлары мен декандары қатысты.