ҰЛАҒАТТЫ ҰСТАЗДАР

Шымкент қалалық Білім басқармасына қарасты #128 жалпы орта білім беретін мектептің қазақ тілі мен әдебиет пәні мұғалімі Шиндалиева Зульфия Есенгелдіқызы 15 жыл еңбек өтілі бар,  1- санаттағы ұстаз. Еңбек жолында мектепшілік, аудандық, қалалық алғыс хаттар мен марапаттар иеленген. Білімі мен өнегесін шәкірттерге арнап, бойындағы бар күш жігерін шәкірт тәрбиелеуге жұмсауда. Оқушыларға көркем шығарманы мәнерлеп оқу, тіл шеберлігіне көңіл бөле отырып, терең  тебірентіп, әсерлендіріп оқушыларды сөз құдіретін сезінуге баулу арқылы оқушылары жеттістікке жетуде. Оқушы жетістігі- мұғалім жетістігі. Мәнерлеп оқу шеберлігімен, шығармашылық қабілетімен мектепішілік, қалалық, республикалық байқауларға қатысып жүрген оқушылары да аз емес. 

   Өскелең ұрпаққа Абайдың рухани мұра інжу- маржандарын насихаттау мақсатында Абай Құнанбаевтың 175 жылдығы аясында   өткізілген дәстүрлі  "Абай оқулары" республикалық байқауына белсенді қатысып, үздік өнер көрсеткені үшін 10 "А" - сынып оқушысы Алибекова Жансая  1 дәрежелі дипломмен,  республикалық "Ақберен" өнер байқауының қалалық кезеңінің 3 дәрежелі дипломмен 10 "Ә" - сынып оқушысы Аманова Балжан марапатталды. 

  Қазақтың ақиық ақыны Мұқағали Мақатаевтың 90-жылдық мерейтойы аясында өткізілген "Хан тәңірінің Мұзбалағы" атты қалалық мектеп оқушыларының шығармашылық байқауында көркемсөз оқудан үздік өнер көрсеткені үшін 10"А"- сынып оқушысы Амангелдиева Мадина 1дәрежелі дипломға ие болды.